COVID-19 ನೊಂದಿಗೆ ಭಾರತದ ಹೋರಾಟ

ಕೊರೋನಾ ವೈರಸ್ ನಿಂದ ಬಂದಿರುವ ಕೋವಿಡ್-19 (COVID-19) ಸಾಂಕ್ರಾಮಿಕ ಮಹಾಮಾರಿ ಇಂದು ವಿಶ್ವವ್ಯಾಪಿಯಾಗಿದೆ. ಚೀನಾದಲ್ಲಿ ಸಾವಿರಾರು ಜನರ ಸಾವಿಗೆ ಕಾರಣವಾದ  ರೋಗಾಣುವಿಗೆ ಇಂದು ಪಾಶ್ಚಾತ್ಯ ದೇಶಗಳಲ್ಲಿ ಪ್ರತಿನಿತ್ಯ ಮೂರು ಸಾವಿರಕ್ಕೂ ಮೇಲ್ಪಟ್ಟು ಜನರು ಸಾಯುತ್ತಿದ್ದಾರೆ. ಭಾರತದಲ್ಲಿ ಈವರೆಗೆ ಸರಕಾರಕೈಗೊಂಡ ಕ್ರಮಗಳಿಂದಾಗಿ ಈ ರೋಗ ಸ್ವಲ್ಪ ಮಟ್ಟಿಗೆ ಹತೋಟಿಯಲ್ಲಿದೆ ಹಾಗೂ ಇದಕ್ಕೆ ಬಲಿಯಾದವರ ಸಂಖ್ಯೆ ನೂರರಷ್ಟು ಇದೆ. ಆದರೆ ಇದು ಸಾಮಾಜಿಕ, ಸಾಂಕ್ರಾಮಿಕ ಹರಡುವಿಕೆಯ ಹಂತ ತಲುಪಿದ್ದು, ಇದರಿಂದ ನಮ್ಮನ್ನು ರಕ್ಷಿಸಿಕೊಂಡು ನಮ್ಮ ಸುತ್ತಲಿನ ಜನರ ಹಾಗೂ ಇಡೀ ದೇಶವನ್ನು ರಕ್ಷಿಸುವ ಜವಾಬ್ದಾರಿ ನಮ್ಮೆಲ್ಲರದ್ದು. ಇದಕ್ಕಾಗಿಯೇ ನಾವು ಭಾರತದ ಸರ್ಕಾರ ಕೈಗೊಂಡ ಕ್ರಮಗಳನ್ನು ಕಠಿಣವಾಗಿ ಅನುಸರಿಸಬೇಕಾಗಿದೆ.

ಕೊರೋನಾ ವೈರಸ್ ಶ್ವಾಸಕೋಶಗಳನ್ನು ಸೇರಿ, ಉಸಿರಾಟದ ತೀವ್ರವಾದ ತೊಂದರೆ ಉಂಟಾಗಿ ವ್ಯಕ್ತಿ ಬಳಲಬಹುದು ಹಾಗೂ ರೋಗ ಉಲ್ಬಣಗೊಂಡು ಸಾಯಬಹುದು. ಸಧ್ಯಕ್ಕೆ ಇದಕ್ಕೆ ಸೂಕ್ತ ಲಸಿಕೆ ಅಥವಾ ಚಿಕಿತ್ಸೆ ಇಲ್ಲದಿರುವುದರಿಂದ ಸೋಂಕಿನ ಹರಡುವಿಕೆಯನ್ನು ತಡೆಗಟ್ಟುವುದೊಂದೇ ಇದರ ವಿರುದ್ದ ನಮಗಿರುವ ದಾರಿ.

ನಾವು ಕೆಮ್ಮುವಾಗ ಅಥವಾ ಸೀನುವಾಗ ನಮ್ಮ ಬಾಯಿ ಅಥವಾ ಮೂಗಿನಿಂದ ಸಣ್ಣ ಹನಿಗಳು ಹೊರಬಂದು, ಚದುರಿ ಹತ್ತಿರದ ವಸ್ತುಗಳ ಅಥವಾ ಮೇಲ್ಮೈ ಮೇಲೆ ಬೀಳಬಹುದು. ಇದನ್ನು ನಾವು ಅಥವಾ ಇನ್ನೊಬ್ಬ ವ್ಯಕ್ತಿ ಮುಟ್ಟಿದಾಗ ರೋಗಾಣುಗಳು ಒಂದು ಕಡೆಯಿಂದ ಇನ್ನೊಂದು ಕಡೆ, ಒಬ್ಬರಿಂದ ಮತ್ತೊಬ್ಬರಿಗೆ ಹರಡುತ್ತವೆ.

ಇದನ್ನು ತಡೆಗಟ್ಟಲು ನಾವು ಕೆಮ್ಮುವಾಗ, ಸೀನುವಾಗ ಟಿಶ್ಯು ಪೇಪರ್ ಬಳಸಿ, ತಕ್ಷಣವೇ ಅದನ್ನು ಕಸದ ಬುಟ್ಟಿಗೆ ಎಸೆದು 20 ಸೆಕೆಂಡ್ ಸಾಬೂನಿನಿಂದ ಕೈಗಳನ್ನುಚೆನ್ನಾಗಿ ಉಜ್ಜಿ ತೊಳೆದುಕೊಳ್ಳಬೇಕು. ಇಲ್ಲವೇ, ಭುಜ ಅಥವಾ ಮೊಣಕೈ ಸಂಧಿನಲ್ಲಿ ಕೆಮ್ಮುವುದರಿಂದ ರೋಗಾಣುಗಳು ನಮ್ಮ ಕೈಯ ಮೂಲಕ ಹರಡುವುದನ್ನು ತಡೆಯಬಹುದು.

ಅನಗತ್ಯವಾಗಿ ಯಾವುದೇ ವಸ್ತುಗಳನ್ನು, ಮೇಲ್ಮೈಯನ್ನು ಮುಟ್ಟಬಾರದು. ಕಣ್ಣು, ಮೂಗು, ಬಾಯಿಯ ಮೂಲಕ ರೋಗಾಣು ಶ್ವಾಸಕೋಶಗಳನ್ನು ಸೇರುವುದನ್ನು ತಡೆಗಟ್ಟಲು ನಮ್ಮ ಮುಖವನ್ನು ಸ್ಪರ್ಶಿಸುವುದನ್ನು ಸಾಧ್ಯವಾದ ಮಟ್ಟಿಗೆ ತಡೆಯಬೇಕು.

ನಾವು ಮುಖ್ಯವಾಗಿ ಬಲಕೈಯನ್ನು ಹೆಚ್ಚಿನ ಕೆಲಸಗಳಿಗೆ ಬಳಸುತ್ತಿದ್ದಲ್ಲಿ, ಎಡಗೈಯನ್ನು ಬಾಗಿಲು ತೆರೆಯುವುದು ಇತ್ಯಾದಿಗಳಿಗೆ ಬಳಸಿದಲ್ಲಿ ವೈರಾಣು ನಮ್ಮ ಬಲಕೈಯ ಮೂಲಕ ಮುಖದ ಸಂಪರ್ಕಕ್ಕೆ ಬರುವುದನ್ನು ತಪ್ಪಿಸಬಹುದು. ಅದಲ್ಲದೇ, ದಿನಕ್ಕೆ ಹತ್ತು-ಹದಿನೈದು ಬಾರಿ ಸಾಬೂನಿನಿಂದ ಕೈಗಳನ್ನು ಚೆನ್ನಾಗಿ ಉಜ್ಜಿ ತೊಳೆದುಕೊಳ್ಳುವುದು ಅತೀ ಅಗತ್ಯ.

ಮನೆಯಲ್ಲೇ ಇದ್ದು, ಬೇರೆಯವರಿಂದ ಅನಾವಶ್ಯಕ ಸಂಪರ್ಕ ತಪ್ಪಿಸಿ ಈ ಸಾಂಕ್ರಾಮಿಕ ರೋಗವನ್ನು ನಾವು ನಮಗೆ ಬರದಂತೆ, ಹಾಗೂ ಸಮಾಜದಲ್ಲಿ ಹರಡದಂತೆ ತಡೆಗಟ್ಟಬಹುದು.

ಅತೀ ಆವಶ್ಯಕ ವಸ್ತುಗಳ ಖರೀದಿಗೆ ಹೊರಗೆ ಹೋದ ಸಂಧರ್ಭದಲ್ಲಿ, ಮತ್ತೊಬ್ಬ ವ್ಯಕ್ತಿಯಿಂದ 2 ಮೀಟರ್ ಅಂತರ ಕಾಯ್ದುಕೊಂಡು ರೋಗಾಣುಗಳ ಪ್ರಸಾರವನ್ನುತಡಯಬಹುದು.

ನಮ್ಮ ಆರೋಗ್ಯವನ್ನು ಕಾಪಾಡಿ, ರೋಗ ಪ್ರತಿರೋಧಕ ಶಕ್ತಿಯನ್ನು ಹೆಚ್ಚಿಸಿಕೊಂಡು, ಸಮಸ್ತ ಶರೀರ ಹಾಗೂ ಶ್ವಾಸಕೋಶಗಳ ಕ್ಷಮತೆಯನ್ನು ಹೆಚ್ಚಿಸಿಕೊಳ್ಳಬೇಕು. ಪ್ರತಿದಿನ ತಪ್ಪದೆ ವ್ಯಾಯಾಮ, ಯೋಗಾಸನ, ಪ್ರಾಣಾಯಾಮ ಮಾಡಬೇಕು. ಸಾಮಾಜಿಕ ಅಂತರ ಕಾಪಾಡಿಕೊಂಡು ಮನೆಯಲ್ಲೇ ಇರುವುದರಿಂದ ಮಾನಸಿಕ ಒತ್ತಡಬರುವುದು ಸಹಜ. ಅದಕ್ಕಾಗಿ ಧ್ಯಾನ, ಸತ್ಸಂಗ, ಭಜನೆ-ಕೀರ್ತನೆ, ಉತ್ತಮ ಓದುವಿಕೆ – ಇತ್ಯಾದಿ ಅತೀ ಸಹಾಯಕ. ಸಾಮಾಜಿಕ ಜಾಲತಾಣ, ತಂತ್ರಜ್ಞಾನ ಬಳಸಿ ಬಂಧು-ಬಾಂಧವರ ಜೊತೆ ದಿನಂಪ್ರತಿ ಸಂಪರ್ಕ ಇರಿಸಿಕೊಂಡು, ಕ್ಷೇಮ-ಸಮಾಚಾರ ವಿಚಾರಿಸಿ, ಹಾಗೂ ಶುಭಚಿಂತನೆ ನಡೆಸಬೇಕು. ಸಾಧ್ಯವಾದಷ್ಟೂ ಸುಳ್ಳು ವದಂತಿಗಳಿಂದ ದೂರವಿದ್ದು, ಧನಾತ್ಮಕ ಭಾವನೆ ಬೆಳೆಸಿಕೊಳ್ಳಬೇಕು. ವೈರಸ್ ಸೋಂಕು ತಗಲಿದರೂ ಅದನ್ನು ಗೆಲ್ಲಬಲ್ಲೆ ಎಂಬ ಆತ್ಮವಿಶ್ವಾಸ ನಮ್ಮಲ್ಲಿ ಮೂಡಿಸಿಕೊಳ್ಳಬೇಕು.

ಸೋಂಕು ತಗಲಿದಾಗ, ಕೆಲವರು ಯಾವ ರೋಗಲಕ್ಷಣಗಳಿಲ್ಲದೆ ರೋಗ ನಿರೋಧಕ ಶಕ್ತಿಯನ್ನು ಪಡೆಯುತ್ತಾರೆ. ಇನ್ನು ಉಳಿದವರಲ್ಲಿ, ವಿಪರೀತ ಒಣ ಕೆಮ್ಮು ಅಥವಾ ಅತೀ ಜ್ವರದ ಲಕ್ಷಣಗಳು ಕಾಣಿಸಿಕೊಂಡಲ್ಲಿ ಮನೆಮಂದಿಯಿಂದ ದೂರವಿರಿ ಹಾಗೂ ವೈದ್ಯಕೀಯ ಸಹಾಯ ಪಡೆಯಿರಿ. ಈ ಸಂಧರ್ಭದಲ್ಲಿ  ರೋಗ ಲಕ್ಷಣ ಇದ್ದವರು ಮಾಸ್ಕ್ ಬಳಸಿ ಮುಖ ಮುಚ್ಚಿಕೊಳ್ಳುವುದು ಸೂಕ್ತ.

ಒಟ್ಟಿನಲ್ಲಿ, ಶಾರೀರಿಕ ಹಾಗೂ ಮಾನಸಿಕ ಸಂತುಲನ ಕಾಪಾಡಿಕೊಳ್ಳುವುದು, ಸ್ವಚ್ಛತೆಯ ಬಗ್ಗೆ ಕಾಳಜಿ, ಸಾಮಾಜಕ ಅಂತರ ಕಾಪಾಡಿಕೊಳ್ಳುವುದು, ರೋಗ ಲಕ್ಷಣಗಳುಕಾಣಿಸಿಕೊಂಡಲ್ಲಿ ತಮ್ಮನ್ನು ಇತರರಿಂದ ಪ್ರತ್ಯೇಕಿಸಿಕೊಂಡು, ಯೋಗ್ಯ ಆರೋಗ್ಯ ಸಲಹೆಯನ್ನು ಪಡೆದುಕೊಳ್ಳುವುದು – ಇವಿಷ್ಟು ನಾವು ಕೊರೋನಾ ವೈರಸ್ ನಿಂದನಮ್ಮ ವೈಯಕ್ತಿಕ, ಕುಟುಂಬದ ಹಾಗೂ ನಮ್ಮ ಸಮಾಜದ ರಕ್ಷಣೆಗಾಗಿ ಮಾಡಲೇಬೇಕಾದ ಅಂಶಗಳು. ಮನೆಯಲ್ಲೇ ಇರಿ, ಸರಕಾರದ ವೈದ್ಯಕೀಯ ಸೂಚನೆಗಳನ್ನುತಪ್ಪದೆ ಪಾಲಿಸಿ!

Yugadi 2020 – Take the Yugadi Quiz

Yuga is a measurement of Time and here it refers to years. Aadi means beginning. So literally, Yugadi means the beginning of the year or The New year.

You will notice that, around this time of the year there is a change in the nature with trees growing new tender leaves and blossoming. Most of the Indian festivals are based on the changes in nature and Yugadi is certainly one of them.

Yugadi falls on Chaitra shuddha paadyami or 1st day of waxing moon in the Hindu month of Chaitra.  In the Gregorian calendar, there is slight variation of Yugadi dates, as most on the Hindu Panchangs (Calendars) follow the lunar calendar.

It is interesting to note that The New Year is celebrated in various parts of India during March/April by different names, which are as follows:

Area Name of the Festival
Karnataka, Andhra Pradesh & Telangana Yugadi/Ugadi
Sindh Cheti Chand
Manipur Sajibu Nongma Panba
Maharashtra Gudi Paadva
Punjab Baisakhi/Vaisakhi
Assam Rangoli Bihu/Bihu
Tamil Nadu Tamil Puthandu
Kerala Vishu
Jharkhand Bhigu
North India( UP,HP,MP, Bihar& Hariyana) Ram Navami
Kashmir Navreh
Other countries/traditions
Bali and Indonesia  Nyepi      
Zorastrians  Navraz

Spiritual significance: According to the puranas, Bramha (the creator of Universe) started creating the Universe on this day, which marked Satyayug. 

History: Shri Ram killed Wali on this day. King Shalivahana started his era called as Shalivahana Shake on this day as he vanquished his enemies. The Shakhas defeated the Huns on this day.

An interesting fact about Yugadi and the Gregorian calendar: Many civilizations of the world use to, and even now celebrate the new year during March/April time. Let us see what happens if you count March as first month:

March             -1st Month

April                -2nd month

May                 -3rd month

June                -4th month

July                 -5th month

Aug                 -6th month

September     -7th month.  Here septa in Latin/Greek means seven.  In Sanskrit, saptha means 7.

October          -8th Month.  Octa means 8 in Latin/Greek. That is you have names like octopus meaning eight footed animal. In Sanskrit ashta means eight.

November      -9th month. In Greek Nov is nine.  In Sanskrit Nava means nine.

December      -10th month.  Deci means 10 in Greek/Latin.  Dasha in Sanskrit is 10. That is how we have Dashmukha name for Ravan, who had ten heads (he was equivalent to ten people).

January          -11th month

February        -12th month and it has less number of days as compared to all other months. One day is added to February (not to December) after every 4th year.

We still need to know more about how all the names of these months came in.

Preparations and activities on Yugadi

Torana: A chain or garland of fresh flowers and mango leaves (neem leaves in some places) is tied to main door of every house and main doors of market and public places. There are scientific reasons for this Torana. During festivals many people visit your home and more public gatherings happen, due to which infectious diseases can spread rapidly (as it is happening with corona virus now). Our ancestors knew that the mango leaves have many anti-bacterial, anti-viral, anti-allergic, anti-helminthic properties. (you can check google where there are lots of research papers on it. Mango leaf extract might be an answer for multidrug resistant bacteria in the future).  During festivals, most people would travel through these main doors with mango leaf-chain (Torana) and this would act like a biological filter for microbes.

Rangoli: People put rangoli (designs with powder) in front of houses and temples during the festival. Cleaning of the houses is done few days before and some get their houses painted for this occasion.

Abhyanga (sabhyang) snana: This means oil massage and warm/hot water bath. Everyone takes this kind of bath on this day. Some people add neem leaves in the water. This bath helps the skin to be more healthy and soft. The neem leaves also have lot of medicinal properties, which include antiulcer, antibiotic, antiviral, antifungal, antimalarial and anticarcinogenic. (Pubmed article, Curr Med Chem anticancer agents 2005 March 5(2); 149-6.  Also many other articles in google). People wear new clothes or at least washed clean clothes on this day after bath.

Pooja and prayers: In Maharashtra and some other parts people host the Bramha Dhwaja or Gudi hosting.  Some people do special pooja, homa and havana (offerings to gods through fire) on this day. Many people visit temples and sing Bhajans in the evenings. People pray for their and their family members’ wellbeing.

Donations: People also give donations to poor on this day as a social responsibility.  The farmers plough in their fields on this day and it is said to increase their yields.

Food: People prepare special dishes on this day. Yugadi bevu-bella/pachadi is a special dish. Pachadi is made of following different tastes, which represent different emotions of life. Neem, which has bitter taste representing bitterness of life; Jaggery, which has a sweet taste representing happiness of life; Tamarind, which has sour taste representing represents unpleasant phase of life; Mango (raw), which has a tangy taste symbolising unexpected and surprises of life; Salt, which representing fear of unknown; Chilli, which is hot symbolising anger and outburst in life. A few people share Bevu-Bella (bitter neem flower and sweet jaggery) with others. The whole idea of eating this special dish is to make aware of ourselves that we have to face all sorts of tastes/emotions in life.

Holige/Obbattu: It is a special sweet dish eaten with ghee or milk. Along with this, many vegetable dishes are prepared (kosumbari, aburgine curry, lentil curry and so on). The high amount of fibres in the vegetable dishes prevent constipation and other intestinal diseases.

In summary, Yugadi is the Hindu New Year with lots of activities.

Yugadi Quiz link: https://forms.gle/uEdoGkjgNUwC9Fni6

ಸಹನಾ ವಿಜಯಕುಮಾರ್ ಅವರ ‘ಕಶೀರ’ – ಪುಸ್ತಕ ಪರಿಚಯ

ವೈಶಾಲಿ ದಾಮ್ಲೆ

ವೈಶಾಲಿ ದಾಮ್ಲೆ 

ನನ್ನ ಹೆಸರು ವೈಶಾಲಿ ದಾಮ್ಲೆ. ಹುಟ್ಟಿ-ಬೆಳೆದದ್ದು ದಕ್ಷಿಣ ಕನ್ನಡ ಜಿಲ್ಲೆಯ ಧರ್ಮಸ್ಥಳದ ಬಳಿಯ ಸಣ್ಣ ಹಳ್ಳಿ ಅರಸಿನಮಕ್ಕಿಯಲ್ಲಿ. ಕಳೆದ ೧೨ ವರ್ಷಗಳಿಂದ ಮಾಂಚೆಸ್ಟರ್ ಹತ್ತಿರದ ಬೋಲ್ಟನ್ ನಲ್ಲಿ ವಾಸ. ವೃತ್ತಿಯಲ್ಲಿ ಸೈಕಿಯಾಟ್ರಿಸ್ಟ್. ಧಾತ್ರಿ, ಧೃತಿ ನನ್ನ ಮುದ್ದು ಮಕ್ಕಳು. ಕನ್ನಡ ಸಾಹಿತ್ಯ ಅಂದರೆ ವಿಶೇಷ ಒಲವು. ಸಮಯ ಸಿಕ್ಕಿದಾಗ ಮನದ ಭಾವನೆಗಳಿಗೆ ಅಕ್ಷರರೂಪ ಕೊಡುವುದು ಹವ್ಯಾಸ. ನನ್ನ ಕೆಲವೊಂದು ಬರಹಗಳು ಕನ್ನಡದ ನಿಯತಕಾಲಿಕಗಳು ಹಾಗೂ ಆನ್ ಲೈನ್ ಜಾಲಗಳಲ್ಲಿ ಪ್ರಕಟವಾಗಿವೆ.

ಸಹನಾ ವಿಜಯಕುಮಾರ್ ಅವರ ‘ಕಶೀರ’ ಕಾದಂಬರಿಯನ್ನು ಓದಿ ಮುಗಿಸಿದೆ. ದೇಶಾಭಿಮಾನವಿರುವ, ಕಾಶ್ಮೀರದಲ್ಲಿ ನಿಜಕ್ಕೂ ಏನಾಗುತ್ತಿದೆ ಎಂಬ ಸತ್ಯವನ್ನು ತಿಳಿಯುವ ಕುತೂಹಲವಿರುವ ಪ್ರತಿಯೊಬ್ಬ ಕನ್ನಡಿಗನೂ ಓದಲೇಬೇಕಾದ ಪುಸ್ತಕ ಇದು. ಈ ಪುಸ್ತಕವನ್ನು ಕಾದಂಬರಿ ಅನ್ನುವುದಕ್ಕಿಂತಲೂ ಕಾಶ್ಮೀರದ ಬಗೆಗಿನ ಒಂದು ಗ್ರಂಥ ಎನ್ನಬಹುದೇನೋ. ಕಾಶ್ಮೀರ ಸಮಸ್ಯೆಯ ಸತ್ಯಾಸತ್ಯತೆಯನ್ನು ಅರಿತುಕೊಳ್ಳಲು ಹಾಗೂ ಅದನ್ನು ಓದುಗರಿಗೆ ತೋರಿಸಲು ಲೇಖಕಿಯು ಕೈಗೊಂಡ ಅಧ್ಯಯನ, ಕಾಶ್ಮೀರ ಕಣಿವೆಯ ಅತ್ಯಂತ ಅಪಾಯಕರ ಪ್ರದೇಶಗಳಲ್ಲಿ ಉಳಿದು, ಅಲ್ಲಿಯ ನಿವಾಸಿಗಳನ್ನು ಸಂದರ್ಶಿಸಿ ಕಾಶ್ಮೀರ ಸಮಸ್ಯೆಯ ವಸ್ತುಸ್ಥಿತಿಯನ್ನು ತಿಳಿದುಕೊಳ್ಳಲು ಅವರು ಪಟ್ಟ ಸಾಹಸ ನಿಜಕ್ಕೂ ಅಭಿನಂದನಾರ್ಹ. ಪ್ರಸ್ತುತ ರಾಜಕೀಯ ಪರಿಸ್ಥಿತಿಯಲ್ಲಿ ಇಂತಹ ಸೂಕ್ಷ್ಮ ವಿಚಾರವೊಂದನ್ನು ಎತ್ತಿಕೊಂಡು, ಸತ್ಯವನ್ನು ಒಂದಷ್ಟೂ ತಿರುಚದೆ, ನಿರ್ಭಿಡೆಯಿಂದ ಕಾದಂಬರಿ ಬರೆಯುವುದೆಂದರೆ ಸಣ್ಣ ಮಾತಲ್ಲ. ಸಹನಾರ ಅಧ್ಯಯನಶೀಲತೆ ಹಾಗೂ ಬರವಣಿಗೆಯ ಶೈಲಿ ಎರಡರಲ್ಲೂ ಭೈರಪ್ಪನವರ ಛಾಪು ಕಂಡುಬಂದದ್ದು ನನಗೊಬ್ಬಳಿಗೇ ಇರಲಿಕ್ಕಿಲ್ಲ. ಸಾಹಿತ್ಯಬ್ರಹ್ಮ ಭೈರಪ್ಪನವರಿಗೆ ಇಂತಹ ಸಮರ್ಥ ಸಾಹಿತ್ಯಿಕ ಉತ್ತರಾಧಿಕಾರಿ ದೊರೆತದ್ದು ನಾವೆಲ್ಲರೂ ಸಂಭ್ರಮಿಸಬೇಕಾದ ವಿಚಾರ.

ಸರಸ್ವತಿಯ ನೆಲೆವೀಡಾದ, ಜ್ಞಾನೋಪಾಸನೆಯ ಕೇಂದ್ರವಾಗಿದ್ದ ಕಾಶ್ಮೀರವು ಕೆಲವೊಂದು ಪಟ್ಟಭದ್ರ ಹಿತಾಸಕ್ತಿಗಳ ಸ್ವಾರ್ಥದಿಂದಾಗಿ, ದೂರಾಲೋಚನೆಯ ಕೊರತೆಯಿಂದಾಗಿ, ನರಕಸದೃಶವಾಗಿರುವುದು ಇಪ್ಪತ್ತು ಹಾಗೂ ಇಪ್ಪತ್ತೊಂದನೆಯ ಶತಮಾನದ ಬಹುದೊಡ್ಡ ದುರಂತವೇ ಸರಿ. ಕಾಶ್ಮೀರ ಸಮಸ್ಯೆಯ ರಾಜಕೀಯ ಹಿನ್ನೆಲೆಯನ್ನು, ಅಲ್ಲಿ ಇಸ್ಲಾಮ್ ಮೂಲಭೂತವಾದ ಹೆಡೆಯೆತ್ತಿದ್ದನ್ನು, ಅದು ಕ್ರಮೇಣ ಕಶ್ಮೀರಿ ಪಂಡಿತರ ಮಾರಣಹೋಮಕ್ಕೆ ಕಾರಣವಾದದ್ದನ್ನು ಲೇಖಕಿ ಬಹಳ ಪರಿಣಾಮಕಾರಿಯಾಗಿ ವಿವರಿಸುತ್ತಾರೆ. ರಾಜಕೀಯದ ವಿಷಯದಲ್ಲಿ ಧರ್ಮದ ಹಸ್ತಕ್ಷೇಪವಾದರೆ ಆಗುವ ದುರಂತ ಎಂಥದ್ದು ಎಂಬುದಕ್ಕೆ ಇಂದಿನ ಕಾಶ್ಮೀರವೇ ಜ್ವಲಂತ ಸಾಕ್ಷಿ.

ಇಸ್ಲಾಮ್ ಮೂಲಭೂತವಾದದ ಪ್ರಭಾವಕ್ಕೊಳಗಾಗಿ, ತನಗೆ ಪಾಠ ಕಲಿಸಿದ ಪಂಡಿತರ ಮಗನನ್ನು ಬರ್ಬರ ಹತ್ಯೆಗೈದು, ಅವರ ಮಗಳನ್ನು ಸಾಮೂಹಿಕ ಅತ್ಯಾಚಾರಕ್ಕೊಳಪಡಿಸಿ, ಆಕೆಯ ದೇಹವನ್ನು ತುಂಡರಿಸಿ ಝೇಲಂ ನದಿಗೆಸೆಯುವ ಆಸಿಫ್, ಈ ಪೈಶಾಚಿಕ ಕ್ರೌರ್ಯಕ್ಕೆ ತಮ್ಮ ಇಡೀ ಕುಟುಂಬವನ್ನೇ ಕಳೆದುಕೊಂಡು, ಜೀವಚ್ಛವವಾಗಿ ಬದುಕುವ ಕೈಲಾಶ್ ಪಂಡಿತ್, ಇನ್ನೂ ಮೀಸೆ ಚಿಗುರುತ್ತಿರುವ ಮುಸ್ಲಿಂ ಯುವಕರನ್ನು ಕುರಾನ್ ನ ಹೆಸರಿನಲ್ಲಿ ಭಯೋತ್ಪಾದನೆಯತ್ತ ಸೆಳೆಯುವ ಮುಫ್ತಿ ಲತೀಫ್, ಮತಾಂಧತೆಯ ಬೇಲಿಯನ್ನು ದಾಟಿ, ಕಾಶ್ಮೀರ ಸಮಸ್ಯೆಯ ನಿಜಸ್ವರೂಪವನ್ನು ಅರ್ಥೈಸಿಕೊಳ್ಳುವ, ಅಲ್ಲಿ ಹಿಂದೂಗಳಿಗಾಗುವ ಅನ್ಯಾಯಕ್ಕೆ ಕೊರಗುವ ಸಲೀಂ, ಅತ್ತ ಮೂಲಭೂತವಾದವನ್ನೂ ತೊರೆಯಲಾರದೆ, ಇತ್ತ ತಮ್ಮ ಹೃದಯದ ಕರೆಗೂ ಓಗೊಡಲಾಗದೆ ನೈತಿಕತೆಯ ದ್ವಂದ್ವದಲ್ಲೇ ಬದುಕು ಸವೆಸುವ ಬಷೀರ್ ಅಹಮದ್, ಒಂದು ಕಾಲದಲ್ಲಿ ರಾಜ-ರಾಣಿಯರಂತೆ ಕಾಶ್ಮೀರದ ಬಹು ಅಂತಸ್ತಿನ ಬಂಗಲೆಯಲ್ಲಿ ವಾಸಿಸುತ್ತಿದ್ದ, ೧೯೯೦ ರ ಪಂಡಿತರ ಮಾರಣಹೋಮದಲ್ಲಿ ಜಮ್ಮುವಿಗೆ ವಲಸೆ ಬಂದು ಅಲ್ಲಿನ ಒಂದು ಕೊಠಡಿಯ ಮನೆಯಲ್ಲಿ ತುಂಬುಕುಟುಂಬದೊಂದಿಗೆ ಜೀವಿಸುತ್ತಾ, ದಾಂಪತ್ಯ ಸುಖವನ್ನೇ ಮರೆತು ಜೀವನ ಸವೆಸುವ ಸಂಜೀವ್ ಮತ್ತು ಆರತಿ ಕೌಲ್ ಇವರೆಲ್ಲರೂ ಕೇವಲ ಕಾದಂಬರಿಯ ಪಾತ್ರಗಳಲ್ಲ, ಕಾಶ್ಮೀರದಲ್ಲಿ ನಡೆದು ಹೋದ, ನಡೆಯುತ್ತಿರುವ ಹಿಂಸಾಕಾಂಡದ ನೈಜ ಮುಖಗಳು. ಅದೇರೀತಿ, ಕಾಶ್ಮೀರ ಸಮಸ್ಯೆಯ ಸತ್ಯಾಸತ್ಯತೆಯ ಅರಿವಾಗಲೀ, ಅದನ್ನು ವಿಮರ್ಶಿಸುವ ಬೌದ್ಧಿಕ/ ನೈತಿಕ ಯೋಗ್ಯತೆಯಾಗಲೀ ಇರದೇ ಇದ್ದರೂ ಕಾಶ್ಮೀರದಲ್ಲಿ ಅಲ್ಪಸಂಖ್ಯಾತರಿಗೆ ಅನ್ಯಾಯವಾಗುತ್ತಿದೆ ಎಂದೂ, ಅಲ್ಲಿ ಮಾನವಹಕ್ಕುಗಳ ಉಲ್ಲಂಘನೆಯಾಗುತ್ತಿದೆಯೆಂದೂ ಬೊಬ್ಬಿಡುವ, ಧರಣಿ ಕೂರುವ ಬುದ್ಧಿಜೀವಿಗಳ ಪ್ರತಿನಿಧಿಯಾಗಿ ಮೀರಾದೇವಿ ಹಾಗೂ ಸುಂದರಕೃಷ್ಣರ ಪಾತ್ರಗಳಿವೆ. ನಮ್ಮ ಅಖಂಡ ಭಾರತದ ಭೂಭಾಗವೇ ಆಗಿರುವ, ಭಾರತಮಾತೆಗೆ ಮುಕುಟಸದೃಶವಾಗಿರುವ ಕಾಶ್ಮೀರಕ್ಕೂ, ಕಾಶ್ಮೀರಿಗಳಿಗೂ ಆದ ಅನ್ಯಾಯ ನಮಗೆಲ್ಲರಿಗೂ ಆದ ಅನ್ಯಾಯವೇ. ಅದನ್ನು ಮನಗಂಡು ದೇಶವಾಸಿಗಳೆಲ್ಲರೂ ಕಾಶ್ಮೀರಿಗಳ ಪರ ನಿಲ್ಲಬೇಕು, ಸತ್ಯದ ಪರ ಹೋರಾಡಬೇಕು ಎಂಬ ಸಂದೇಶ ಕೊಡುತ್ತದೆ ಕಾದಂಬರಿಯ ನಾಯಕ ನರೇಂದ್ರರ ಪಾತ್ರ.

ಕಾಶ್ಮೀರ ಸಮಸ್ಯೆಯಂತಹ ಜಟಿಲವಾದ ವಿಷಯವನ್ನು ಸಾಮಾನ್ಯರಿಗೂ ಅರ್ಥವಾಗುವಂತೆ ಸಹನಾರವರು ಹಂತಹಂತವಾಗಿ ವಿವರಿಸಿದ ರೀತಿ ಬಹಳ ಇಷ್ಟವಾಯಿತು. ರಾಜಕೀಯ ಸಮಸ್ಯೆಯೊಂದಕ್ಕೆ ಮತಾಂಧತೆಯ ಇಂಬು ದೊರೆತು ಇಡೀ ಕಾಶ್ಮೀರವೇ ಸುಟ್ಟು ಬೂದಿಯಾಗುತ್ತಿರುವ ಬಗೆಯನ್ನು ಓದಿದಾಗ ಮನಸ್ಸು ವಿಹ್ವಲವಾಗದಿರದು. ಪಂಡಿತರ ಮಗಳು ಸವಿತಾಳನ್ನು ಮತಾಂಧ ಪಿಶಾಚಿಗಳು ಅಪಹರಿಸಿ, ಅತ್ಯಾಚಾರಗೈದು, ಹತ್ಯೆಗೈದ ಭಾಗವನ್ನು ಓದಿದ ಮೇಲೆ ಎರಡು ರಾತ್ರೆಗಳ ಕಾಲ ನಿದ್ದೆ ಬರದೇ ಹೊರಳಾಡಿದ್ದೆ.

ಈ ಇಸ್ಲಾಮ್ ಮೂಲಭೂತವಾದದ ಸಮಸ್ಯೆ ದೂರದ ಕಾಶ್ಮೀರಕ್ಕಷ್ಟೇ ಸೀಮಿತವಾಗಿಲ್ಲ. ಇಡೀ ವಿಶ್ವವೇ ಮತಾಂಧತೆಯ ದಳ್ಳುರಿಯಲ್ಲಿ ಹೊತ್ತಿ ಉರಿಯುತ್ತಿದೆ. ಮುಸ್ಲಿಮರೆಲ್ಲಾ ಕೆಟ್ಟವರೆಂಬುದು ಖಂಡಿತಾ ಸರಿಯಲ್ಲ. ಆದರೆ ಬಹಳಷ್ಟು ಮುಗ್ಧ ಮುಸ್ಲಿಂ ಯುವಕ ಯುವತಿಯರು ಭಯೋತ್ಪಾದನೆಯತ್ತ ಆಕರ್ಷಿತರಾಗುತ್ತಿದ್ದಾರೆ ಎಂಬುದೂ ಸುಳ್ಳಲ್ಲ. ನಿಜವಾದ ದೇಶಪ್ರೇಮಿಗಳಾದವರು, ಅಲ್ಪಸಂಖ್ಯಾತರ ಓಲೈಕೆಯೆಂಬ ಪರದೆಯ ಹಿಂದೆ ಅಡಗಿಕೊಳ್ಳದೆ, ಸಮಸ್ಯೆಯ ಮೂಲವನ್ನರಿತು, ಸತ್ಯಾಂಶವನ್ನು ಜನರಿಗೆ ತಿಳಿಸುವ, ಮೂಲಭೂತವಾದದ ಅಪಾಯಗಳನ್ನು ಬೆಳೆಯುವ ಮನಸ್ಸುಗಳಿಗೆ ಮನವರಿಕೆ ಮಾಡಿಕೊಡುವ ಕೆಲಸವನ್ನು ಶೀಘ್ರವೇ ಮಾಡಬೇಕಾಗಿದೆ. ಈ ಕೆಲಸದಲ್ಲಿ, ಕಾದಂಬರಿಯಲ್ಲಿ ಬರುವ ಪಾತ್ರಗಳಾದ ಸಲೀಂ ಹಾಗೂ ಮುಷ್ತಾಕ್ ನಂತಹ ಮುಸ್ಲಿಂ ಯುವಕರನ್ನು ಸಂಘಟಿಸಬೇಕಾದ ಅವಶ್ಯಕತೆಯಿದೆ. ಜಾತಿ, ಮತ, ಧರ್ಮ, ಭಾಷೆ ಹಾಗೂ ರಾಜ್ಯಗಳ ಎಲ್ಲೆಯನ್ನು ಮೀರಿ ನಾವೆಲ್ಲರೂ ರಾಷ್ಟ್ರಹಿತಕ್ಕಾಗಿ ಒಂದಾಗಬೇಕಾದ ಅಗತ್ಯ ಹಿಂದೆಂದಿಗಿಂತಲೂ ಇಂದು ಹೆಚ್ಚಾಗಿದೆ.

ಇಂತಹ ಒಂದು ಪ್ರಬುದ್ಧ ಕಾದಂಬರಿಯನ್ನು ಕನ್ನಡದ ಓದುಗರ ಕೈಗಿಡಲು ಸಹನಾ ಅವರು ಪಟ್ಟ ಶ್ರಮಕ್ಕೆ, ಅವರ ಅಧ್ಯನಶೀಲತೆಗೆ ಹ್ಯಾಟ್ಸ್ ಆಫ್. ನೀವೂ ಓದಿ, ನಿಮ್ಮ ಅಭಿಪ್ರಾಯಗಳನ್ನು ಹಂಚಿಕೊಳ್ಳಿ.
– ವೈಶಾಲಿ ದಾಮ್ಲೆ
ಬೋಲ್ಟನ್, ಯುಕೆ

KAHO ಗೆ ಮುನ್ನುಡಿ ಬರೆದ ಚಕ್ರವರ್ತಿ

ಸ್ವಾಮಿ ವಿವೇಕಾನಂದ ಅವರ ಚಿಕಾಗೊ ಭಾಷಣದ ೧೨೫ ವಾರ್ಷಿಕೋತ್ಸವದ ಸಂಭ್ರಮದ ಹಿನ್ನೆಲೆಯಲ್ಲಿ December ೧ ರಂದು ನಡೆದ KAHO ಕಾರ್ಯಕ್ರಮ ಆಂಗ್ಲನಾಡಿನಲ್ಲಿ ಹಿಂದುಗಳನೆಲ್ಲ ಒಕ್ಕೋಡಿಸಿ ಭಾವೈಕ್ಯತೆಯ ಜ್ಯೋತಿ ಬೆಳಗಿದ ದಿವಸ . ವಾರಾಂತ್ಯದಲ್ಲಿ ನಡೆದ ಈ ಕಾರ್ಯಕ್ರಮ ಅಲ್ಲಿ ನೆರೆದವರ ನೆನಪಿನಲ್ಲಿ ನೆಲೆ ನಿಲ್ಲುವುದಂತೂ ಖಚಿತ. ಬಹುದಿನಗಳಿಂದ ಇಂಥದ್ದೊಂದು ಬಹು ಮೌಲ್ಯವಾದ ಹಿಂದುತ್ವದ ಅರಿವು ಮೂಡಿಸುವ ಚಟುವಟಿಕೆಯ ಉತ್ಕಟವಾದ ಬಯಕೆಯು ಅಲ್ಲಿ ನೆರೆದವರಲ್ಲಿ ಕ್ಕಂಡುಬಂದಿದ್ದಂತೂ ಸತ್ಯ.
ಸಾಮರಸ್ಸ್ಯದ ನವ್ಯ ಯುಗಕೆ ನಿಮಗಿದು ಆಮಂತ್ರಣ, ಆಹಾ ಎಷ್ಟು ಸೊಗಸಾದ ಸಾಲು, ಅಕಿಲೇಶ್ ಅವರ ಗಾಯನದಿಂದ ಪ್ರಾರಂಭವಾದ ಕಾರ್ಯಕ್ರಮ ನಮ್ಮಲ್ಲೊಂದು ನವ ಚೇತನವನ್ನು ಮೂಡಿಸಿತು . ನಂತರದ ಕಹೋ( ಕನ್ನಡದ ಅನಿವಾಸಿ ಹಿಂದೂಗಳ ಒಕ್ಕೂಟ )ದ launch ಬರಿ ಉದ್ಘಾಟನೆ ಮಾತ್ರವೇ ಆಗಿರಲಿಲ್ಲ, ಅಲ್ಲಿ ನೆರೆದವರ ಮನದಲ್ಲಿ ಹಿಂದುತ್ವದ ಸಂಘರ್ಷವೇ ಆಗಿತ್ತು .
ಈ ಕಾರ್ಯಕ್ರಮದ ಮುಖ್ಯ ಅತಿಥಿಯಾಗಿ ಬಂದವರು ಚಕ್ರವರ್ತಿ ಸೂಲಿಬೆಲೆಯವರು ಅವರದ್ದೊಂದು ಸ್ವಚ್ಛ ಹೃದಯ, ಧಿಟ್ಟ ಹೆಜ್ಜೆ, ದೃಢ ನಿಲುವು , ಅವರೊಬ್ಬ ಜಾಗೃತ ನಾಗರೀಕ. ಎಲ್ಲೋ ಒಂದುಕಡೆ ದೇಶಾಭಿಮಾನ ರಾಷ್ತ್ರೀಯ ಭಾವೈಕ್ಯತೆ ಮತ್ತು ಹಿಂದುತ್ವ ಎಂದರೆ ಮೊದಲು ನೆನಪಾಗುವ ವ್ಯಕ್ತಿ ಚಕ್ರವರ್ತಿ ಸೂಲಿಬೆಲೆ. ಹೆಸರಿಗೆ ತಕ್ಕಂತೆ ಅವರು ಉತ್ತಮ ಸಮಾಜಕ್ಕೊಂದು ಸುಧರ್ಶನ ಚಕ್ರವೇ ಸರಿ. ಅವರನ್ನು ವೇದಿಕೆ ಮೇಲೆ ನೋಡಿದರೆ ಸ್ವಾಮಿ ವಿವೇಕಾನಂದ ಅವರ ಚಿಂತನೆಗಳನ್ನೊಳಗೊಂಡ ಪುಸ್ತಕಗಳ ಭಂಡಾರವನ್ನೇ ನೋಡಿದಂತೆ ಅನ್ನಿಸುತಿತ್ತು ಹಾಗು KAHO launch ಲಿ ಅವರು ಮಾಡಿದ ಭಾಷಣ KAHO ಎಂಬ ಪುಸ್ತಕಕ್ಕೆ ಮುನ್ನುಡಿ ಬರೆದಂತ್ತಿತ್ತು. ಅವರು ಸ್ವಾಮಿ ವಿವೇಕಾನಂದ ಅವರ ಚಿಕಾಗೋ ಭಾಷಣದ ಮೆಲುಕು ಹಾಕುತ್ತಿದ್ದರೆ ನಮ್ಮ ಕಣ್ಮುಂದೆ ವಿವೇಕಾನಂದ ಅವರೇ ಭಾಷಣ ಮಾಡಿದಂತೆ ಭಾಸವಾಗುತ್ತಿತ್ತು ಹಾಗು ಚಿಕಾಗೋ ಭಾಷಣದ ಪೂರ್ಣ ಚಿತ್ರಣವೇ ಕಣ್ಮುಂದೆ ಬಂದಂತಿತ್ತು.
ಇಂತಹ ಅದಮ್ಯ ಚೇತನರ ಧಾರ್ಮಿಕ ನಿಲುವುಗಳನ್ನು ಅವರ ಗಟ್ಟಿ ಧ್ವನಿಯಲ್ಲಿ ಕೇಳಿದ ನಾವೇ ಧನ್ಯರು. ಹೀಗೆ ಸಾಮಾಜಿಕ ಮತ್ತು ಧಾರ್ಮಿಕ ಚರ್ಚೆಗಳಿಂದ ಯುವ ಜನರನ್ನು ಉತ್ತೇಜಿಸುವ ಅವರ ಸ್ಪಷ್ಟ ಭಾಷೆ ಮತ್ತು ವಿಭಿನ್ನ ಮಾತಿನ ಶೈಲಿ ಶ್ಲಾಗನೀಯ. ಅಂತ್ಯದಲ್ಲಿ ನಮ್ಮಲ್ಲಿರುವ ಹಲವಾರು ಗೊಂದಲಗಳಿಗೆ , ಪ್ರಶೆಗಳಿಗೆ ಅವರು ಕೊಟ್ಟ ಉತ್ತರಗಳು ಬಹುತೇಕವಾಗಿ ಸ್ವಾಮಿ ವಿವೇಕಾನಂದ ಅವರ ಚಿಂತನೆಗಳನ್ನು ಆಧಾರಿಸಿದ್ದರಿಂದ ಉತ್ತರ ಸಿಕ್ಕ ತೃಪ್ತಿ ಜನರ ಚಪ್ಪಾಳೆಯಲ್ಲಿ ಕಾಣುತಿತ್ತು, ಹೀಗೆ ಉತ್ತರಿಸಿದ ಅವರ ಕ್ರಿಯಾಶೀಲತೆಗೆ ಮತ್ತು ಅವರ ತಾಳ್ಮೆಗೆ ನಾನು ಕೈ ಮುಗಿದು ನಮಿಸುವೆ.
ಹೀಗೆ ಚಕ್ರವರ್ತಿ ಯವರ ಭಾಷಣ , ಅವರೊಂದಿಗೆ ನಡೆದ ಸಾಮಾಜಿಕ-ಧಾರ್ಮಿಕ ಚರ್ಚೆಗಳು , ಚಪ್ಪಾಳೆಯ ಸದ್ದು ಎಲ್ಲೋ ಒಂದುಕಡೆ KAHO ಸಂಸ್ಥೆಯ ಜವಾಬ್ಧಾರಿಯನ್ನು ಹೆಚ್ಚಿಸಿತ್ತು. ಅಂತ್ಯದಲ್ಲಿ ಚಕ್ರವರ್ತಿ ಯವರೊಂದಿಗೆ ವೇದಿಕೆಯನ್ನು ಹಂಚಿಕೊಂಡು ” ವಂದೇ ಮಾತರಂ ” ಗೀತೆಯನ್ನು ಹಾಡಿದ ನಾವೇ ಧನ್ಯರು. ಆ ಸುವರ್ಣ ಅವಕಾಶಕ್ಕೆ KAHO ಸಂಸ್ಥೆಗೆ ನನ್ನ ತುಂಬು ಹೃದಯದ ಧನ್ಯವಾದಗಳು.
KAHO ಸಂಸ್ಥೆಯ ನಿಲುವುಗಳು ಸ್ವಾಮಿ ವಿವೇಕಾನಂದ ಅವರ ಚಿಂತನೆಗಳ ಅಡಿಯಲ್ಲಿ ಇನ್ನಷ್ಟು ದೃಢವಾಗಲಿ. ಹಿಂದುತ್ವವನ್ನು ಸಾರುವ ಧರ್ಮಪರ ಚಟುವಟಿಕೆಗಳು ಮತ್ತಷ್ಟು ನಡೆಯಲಿ ಎಂದು ಹಾರೈಸುತ್ತೇನೆ ಹಾಗು ನನ್ನಂತೆ ಹಲವರು ನಿಮ್ಮ ಈ ಕೆಲಸಕ್ಕೆ ಕೈ ಜೋಡಿಸಲಿ ಎಂದು ದೇವರಲ್ಲಿ ಪ್ರಾಥಿಸುತ್ತೇನೆ.
ಜೈ ಹಿಂದ್ ಜೈ ಕರ್ನಾಟಕ ಮಾತೆ
ಶೋಭಾ ಸಾಗರ್

ಕಹೋ – ಸ್ವಾಮಿ ವಿವೇಕಾನಂದರ ಜೀವನ ದರ್ಶನ ಚಕ್ರವರ್ತಿ ಸೂಲಿಬೆಲೆಯಿಂದ

Audience in London

ಸ್ವಾಮಿ ವಿವೇಕಾನಂದ ಅವರ ಚಿಕಾಗೊ ನಲ್ಲಿ ನೀಡಿದ ಪ್ರಖ್ಯಾತ ಭಾಷಣದ ೧೨೫ ನೇ ವರ್ಷದ ಪ್ರಯುಕ್ತ ಹಮ್ಮಿಕೊಂಡಿರುವ ಕಾರ್ಯಕ್ರಮದ ಬಗ್ಗೆ ಸಾಮಾಜಿಕ ಜಾಲತಾಣದಲ್ಲಿ ಸಾಕಷ್ಟು ಸುದ್ದಿ ಮಾಡುತ್ತಿತ್ತು. ಈ ಕಾರ್ಯಕ್ರಮದ ಮುಖ್ಯ ಅಥಿತಿಗಳಾದ ಶ್ರೀ ಚಕ್ರವರ್ತಿ ಸೂಲಿಬೆಲೆ ಕರ್ನಾಟಕದುದ್ದ ತಮ್ಮ ನೇರ ನುಡಿ, ಯುವ ಜನತೆಯಲ್ಲಿ ದೇಶ ಪ್ರೇಮದ ಬೀಜ ಬಿತ್ತುವ ಭಾಷಣದಿಂದ ಎಲ್ಲರ ಗಮನ ಸೆಳೆಯುತ್ತಿದ್ದುದು ನಿಜ ಆದರೆ ೨೦೧೨ ರಲ್ಲಿ ನಾನು ಕಲಿತ ಜವಾಹರ ನವೋದಯ ವಿದ್ಯಾಲಯ, ಉತ್ತರ ಕನ್ನಡ ಶಾಲೆಯ ಬೆಳ್ಳಿ ಮಹೋತ್ಸವದ ದಿನ ಅವರು ನೀಡಿದ ಭಾಷಣ ಕೇಳಿದ್ದು ಬಿಟ್ಟರೆ ನಾನು ಅಷ್ಟೇನೂ ನಿಕಟವಾಗಿ ಅವರ ವೀಡಿಯೋಸ್ ಅಥವಾ ಪತ್ರಿಕಾ ಮಾದ್ಯಮದಲ್ಲಿ ವಿಶೇಷವಾಗಿ ಅನುಸರಿಸುತ್ತಾ ಇರಲಿಲ್ಲ. ಹೀಗಾಗಿ ಕಹೋ ಹಮ್ಮಿಕೊಂಡಿರುವ ಈ ಕಾರ್ಯಕ್ರಮ ಹಾಗೂ ಚಕ್ರವರ್ತಿ ಸೂಲಿಬೆಲೆಯವರ ಭಾಷಣ ಕೇಳುವ ಕುತೂಹಲ ನನ್ನಲ್ಲಿ ಸಾಕಷ್ಠಿತ್ತು. ಹಲವಾರು ಲಂಡನ್ ಕನ್ನಡಿಗರು ಅವರನ್ನು ಕೇಳುವ ಕುತೂಹಲದಿಂದ ಕಾರ್ಯಕ್ರಮಕ್ಕೆ ಆಗಮಿಸಿದ್ದರು ಎಂದು ಭಾವಿಸಿರುತ್ತೇನೆ.
ಚಕ್ರವರ್ತಿ ಸೂಲಿಬೆಲೆ ಅವರನ್ನು ಸಭಾಂಗಣದತ್ತ ಬರಮಾಡಿಕೊಳ್ಳಲು ಮಿತ್ರರಾದ ಸಂತೋಷ್ ಪಾಟೀಲ್ ಕೇಳಿದಾಗ ಹೂ ಅಂದೆ… ಚಕ್ರವರ್ತಿ ಅವರು ಕಾರ್ ನಿಂದ ಇಳಿದಾದಮೇಲೆ, ನಾನು ಗಣಪತಿ ಭಟ್ ಎಂದು ಸ್ವ – ಪರಿಚಯ ಮಾಡಿ ಕೊಡುವ ಅವಕಾಶ ದೊರಕಿದ್ದು ನನ್ನ ಸೌಭಾಗ್ಯ.

ಯು.ಕೆ. ಕನ್ನಡ ಸಮೂದಾಯ ಮೊನ್ನೆ ತಾನೇ ದುರಾದ್ರಷ್ಟದಿಂದ ಕಳೆದುಕೊಂಡ ಪವನ್ ಮೈಸೂರ್ ಅವರಿಗೆ ಶ್ರದ್ದಾಂಜಲಿ ಹಾಗೂ ಮೌನಾಚರಣೆಯ ಮೂಲಕ ಕಾರ್ಯಕ್ರಮ ಶುರುವಾಯಿತು. ದಿನದ ಸಂಪೂರ್ಣ ಕಾರ್ಯಕ್ರಮವನ್ನು ರಾಹುಲ್ ಹಾಗೂ ರಂಗನಾಯಕಿ ನೆರವೇರಿಸಿ ಕೊಟ್ಟರು. ಸಾಮರಸ್ಯದ ನವ್ಯ ಯುಗಕ್ಕೆ ನಿಮಗಿದೋ ಆಮಂತ್ರಣ ಎಂಬ ಸುಂದರ ಹಾಡಿನೊಂದಿಗೆ ಕಾರ್ಯಕ್ರಮ ಮುಂದುವರೆದು, ಸ್ವಾಗತ ಭಾಷಣ, ಅತಿಥಿಗಳಿಂದ ದೀಪ ಹಚ್ಚುವ ಕಾರ್ಯಕ್ರಮ ಹಾಗೂ ಕಹೋ (ಕರುನಾಡಿನ ಅನಿವಾಸಿಗಳ ಹಿಂದೂ ಒಕ್ಕೂಟ) ದ ಅಧಿಕೃತ ಘೋಷಣೆಯೊಂದಿಗೆ ಚಕ್ರವರ್ತಿ ಸೂಲಿಬೆಲೆಯವರನ್ನು ವೇದಿಕೆಗೆ ಬರಮಾಡಿಕೊಳ್ಳಲಾಯಿತು.
ಅನಿವಾಸಿ ಪದದ ಗುಣಗಾನದಿಂದ ಚಕ್ರವರ್ತಿ ಸೂಲಿಬೆಲೆ ತಮ್ಮ ಭಾಷಣವನ್ನು ಶುರು ಮಾಡಿದರು. ಅ ವಿನಾಶಿ ಹಿಂದುಗಳ ಸಂಘಟನೆಯಾಗಿ ಕಹೊ (KAHO) ವಿಜ್ರಂಭಿಸಲಿ ಎಂದು ಹಾರೈಸಿದರು. ಸ್ವಾಮಿ ವಿವೇಕಾನಂದರ ಬಗ್ಗೆ ಚಿಕ್ಕವನಿರುವಾಗ ಶಾಲೆಯಲ್ಲಿ ಓದಿದ್ದು ಬಿಟ್ಟರೆ ವಿಕಿಪೀಡಿಯದಲ್ಲಿ ಹೆಚ್ಚಿನದಾಗಿ ಸರ್ಚ್ ಮಾಡಿ ತಿಳಿದಿರುವಂತಹ ವಿಷಯ. ಆದರೆ ಚಕ್ರವರ್ತಿ ಸೂಲಿಬೆಲೆ ಸ್ವಾಮಿ ವಿವೇಕಾನಂದರ ಆರಂಭಿಕ ಜೀವನದಿಂದ ಹಿಡಿದು ಅವರ ಪ್ರತಿಯೊಂದು ಹೆಜ್ಜೆ, ಮಾತು ನುಡಿಯನ್ನು ಆಳವಾಗಿ ಸಂಶೋಧನೆ ಮಾಡಿ, ಕಲಿಯುಗದಲ್ಲಿ ನಾವು ಹಿಂದೂ ಧರ್ಮವನ್ನು ಹೇಗೆ ನಿಭಾಯಿಸಬೇಕು ಎಂಬ ಮಹತ್ವವನ್ನು ಅವರ ವಾಕ್ ಚಾತುರ್ಯದಿಂದ ಎಲ್ಲರಿಗೂ ಅರಿವು ಮಾಡಿಕೊಟ್ಟಿದ್ದು ಅವರ ಭಾಷಣದ ವಿಶೇಷತೆ. ಸುಮಾರು ಒಂದೂವರೆ ಘಂಟೆ ನಡೆದ ಚಕ್ರವರ್ತಿ ಸೂಲಿಬೆಲೆಯವರ ಭಾಷಣವನ್ನು ಉಪಸ್ಥಿತರಿದ್ದ ಎಲ್ಲಾ ಕನ್ನಡಿಗರೂ ಮೂಕ ಮಗ್ನರಾಗಿ ಆಲಿಸಿದರು.

Balagokulam Children Session

ಅವರ ಭಾಷಣದ ಒಂದು ವಿಚಾರ ನನ್ನನ್ನು ಸರಿಯಾಗಿ ತಟ್ಟಿತು. ಅದೇನೆಂದರೆ “ನಿನ್ನನ್ನು ನೀನು ತಿಳಿಕೊಂಡರೆ ಜಗತ್ತಿನಲ್ಲಿ ಮತ್ತೇನೂ ತಿಳಿದುಕೊಳ್ಳುವ ಅಗತ್ಯವಿಲ್ಲ” ಹೀಗಾಗಿ ಸ್ವಾಮಿ ವಿವೇಕಾನಂದರು ಚಿಕ್ಕವರಿವಾಗಲೇ ಈ ಚಿಂತನೆ ಅವರಿಗೆ ಬಹಳ ಬೇಗ ಬಂತು ಎಂದು ನಮಗೆಲ್ಲ ಅರಿವು ಮಾಡಿಕೊಟ್ಟಿದ್ದು ಸೂಕ್ತವಾಗಿತ್ತು. ಇದರ ಬಗ್ಗೆ ವಿಶ್ಲೇಷಣೆ ಮಾಡಿ ತಕ್ಕ ಉದಾಹರಣೆ ಕೊಟ್ಟು ಚಕ್ರವರ್ತಿ ಸೂಲಿಬೆಲೆಯವರು ಸುಂದರವಾಗಿ ಎಲ್ಲರಲ್ಲೂ ವಿವೇಕಾನಂದರ ಆದರ್ಶ ಹಾಗೂ ಅವರ ದೇಶ ಭಕ್ತಿಯ ಬಗ್ಗೆ  ಅರಿವು ಮಾಡಿಕೊಟ್ಟರು. ಹಿಂದೂ ಧರ್ಮದ ಬಗ್ಗೆ ಇತ್ತೀಚಿಗೆ ಅನುಕೂಲಕ್ಕೆ ತಕ್ಕಂತೆ ತಮ್ಮ ಹುಚ್ಚು ರಾಜಕಾರಣಕ್ಕೆ ಉಪಯೋಗಿಸುತ್ತಿರುವ ಬಗ್ಗೆ ಮಾತನಾಡಿದ ಅವರು, ನಾವು Asertive ಆಗಿರಬೇಕು ಎಂಬುದರ ಬಗ್ಗೆ ಅರಿವು ಮಾಡಿಕೊಟ್ಟಿದ್ದು ಶ್ಲಾಘನೀಯ. ಪ್ರೇಕ್ಷಕರ ಸಾಕಷ್ಟು ಪ್ರಶ್ನೆಗಳಿಗೆ ಸೂಕ್ತವಾಗಿ ಉತ್ತರ ನೀಡಿದ ಚಕ್ರವರ್ತಿ ಸೂಲಿಬೆಲೆಯವರು ಕಾರ್ಯಕ್ರಮ ಮುಗಿದು, ತಿಂಡಿ ಉಪಚಾರ ಮುಗಿದು, ಸಭಾಂಗಣದ ಬಾಗಿಲು ಮುಚ್ಚುವವರೆಗೂ ಜನರು ತಮ್ಮನ್ನು ಹಿಂಬಾಲಿಸಿ ಕುತೂಹಲಕಾರಿ ಪ್ರಶ್ನೆಗಳನ್ನು ಕೇಳುವಂತೆ ಪ್ರೇರೇಪಿಸಿದರು.
ಶೋಭಾ ಸಾಗರ್ ಹಾಗೂ ತಂಡದಿಂದ ವಂದೇ ಮಾತರಂ ಗೀತೆಯೊಂದಿಗೆ ಮುಕ್ತಾಯಗೊಂಡ ಕಾರ್ಯಕ್ರಮ, ಮುಂದೆ ಇಂತಹ ಬೌದ್ಧಿಕ ವಿಷಯಗಳ ಮೇಲೆ ಇನ್ನಷ್ಟು ಕಾರ್ಯಕ್ರಮವನ್ನು ಹಮ್ಮಿಕೊಳ್ಳಲು ಆಯೋಜಕರನ್ನು ಉತ್ತೇಜಿಸುವದಂತೂ ಖಚಿತ.
ಕಾರ್ಯಕ್ರಮದ ಯಶಸ್ಸಿಗೆ ಒಟ್ಟೊಗೂಡಿದ ಎಲ್ಲಾ ಕಾರ್ಯಕರ್ತರಿಗೆ ಹಾಗೂ ಪ್ರಯೋಜಕರಿಗೆ ನನ್ನ ಧನ್ಯವಾದವನ್ನು ಕೋರಿ ಮುಂದೆ ಕೂಡ ಹೀಗೆಯೇ ಉತ್ತಮ ಚಿಂತಕರಿಂದ ಯು.ಕೆ ಯಲ್ಲಿ ನೆಲೆಸಿರುವ ಕನ್ನಡಿಗರಗೆ ಕೇಳುವ ಅವಕಾಶ ದೊರೆಯಲಿ ಎಂದು ಆಶಿಸುವೆ.

Article by Gana Bhat, United Kingdom

http://www.ganabhat.com

ಕಹೋ ಯುಕೆ – ಚಕ್ರವರ್ತಿ ಸೂಲಿಬೆಲೆ ಯಾಕೆ?

ಯುನೈಟೆಡ್ ಕಿಂಗ್ಡಮ್ ನ ನಾಲ್ಕು ಮುಖ್ಯ ನಗರಗಳಲ್ಲಿ ಸ್ವಾಮಿ ವಿವೇಕಾನಂದ ಅವರ ಚಿಕಾಗೊ ನಲ್ಲಿ ನೀಡಿದ ಪ್ರಖ್ಯಾತ ಭಾಷಣದ ೧೨೫ ನೇ ಶತಮಾನದ ಪ್ರಯುಕ್ತ ಹಮ್ಮಿಕೊಂಡಿರುವ ಕಾರ್ಯಕ್ರಮದ ಬಗ್ಗೆ ನಾವೆಲ್ಲ ಹೆಚ್ಚಿನದಾಗಿ ಸಾಮಾಜಿಕ ಜಾಲತಾಣದಲ್ಲಿ ನೋಡುತ್ತಿದ್ದೇವೆ. ಕಹೋ (ಕರುನಾಡಿನ ಅನಿವಾಸಿ ಹಿಂದೂಗಳ ಒಕ್ಕೂಟ) ಎಂಬ ಫಲಕದಲ್ಲಿ ಈ ಕಾರ್ಯಕ್ರಮವನ್ನು ಹಮ್ಮಿಕೊಳ್ಳಲಾಗಿದೆ. ಹಾಗಿದ್ದರೆ ಈ ಕಹೋ ಎಂಬುದು ಏನು? ನನಗೆ ತಿಳಿದಿರುವಂತೆ ಸ್ವಲ್ಪ ವರ್ಷದ ಹಿಂದೆ ಉಠೋ (UTHO ) ಎಂಬ ತೆಲಗು ತಂಡ ಶುರುವಾಗಿತ್ತು… ಯುನೈಟೆಡ್ ಕಿಂಗ್ಡಮ್ ತೆಲಗು ಹಿಂದೂ ಆರ್ಗನೈಜೇಷನ್ ಎಂದು ಸ್ಥಾಪಿಸಲ್ಪಟ್ಟ ಈ ತಂಡ ಹಲವಾರು ಪ್ರೇರಣಾಕಾರಿ ಕಾರ್ಯಕ್ರಮವನ್ನು ಹಮ್ಮಿಕೊಳ್ಳುತ್ತಿದೆಯಂತೆ. ಪ್ರಪಂಚದಾದ್ಯಂತ ಇರುವ ಕನ್ನಡಿಗರು ಹಲವಾರು ಸಂಘವನ್ನು ವಿದೇಶದಲ್ಲಿ ಸ್ಥಾಪಿಸಿ ಕನ್ನಡ ಭಾಷೆಯನ್ನೇ ಪ್ರಾಮುಖ್ಯವಾಗಿಟ್ಟು ಇಲ್ಲಿಯವರೆಗೆ ಕಾರ್ಯಕ್ರಮವನ್ನು ನಡೆಸಿಕೊಂಡು ಬಂದಿರುವದನ್ನ ನಾವು ನೋಡಿದ್ದೇವೆ. ಈ ಮದ್ಯೆ, ಕರುನಾಡಿನ ಅನಿವಾಸಿ ಹಿಂದೂಗಳ ಒಕ್ಕೂಟ ಎಂಬ ಆಲೋಚನೆಯೊಂದಿಗೆ ಯುಕೆ ಯಲ್ಲಿರುವ NRI ಕನ್ನಡಿಗರು ಕಹೋ ಯುಕೆ ಎಂಬ ಗುರುತಿನೊಂದಿಗೆ ಈಗ ಹೊರ ಬಂದಿದ್ದಾರೆ. ಕರುನಾಡಿನ ಅನಿವಾಸಿ ಹಿಂದೂ ಏಕೆ ಎಂದು ನನ್ನೊಂದಿಗೆ ನಾನೇ ಕೇಳಿದಾಗ ನನ್ನಲ್ಲಿಯೇ ಉತ್ತರ ದೊರಕಿರುವದು ಒಂದು ಹೆಮ್ಮೆಯ ಸಂಗತಿ. ಯಾಕೆಂದರೆ, ಹಿಂದೂ ಅಥವಾ ಹಿಂದೂಯಿಸಂ ಒಂದು ಧರ್ಮ ಅಥವಾ ಜೀವನದ ಪದ್ಧತಿ (way of Life). Love for the whole of humanity regardless of race, country, nationality, religion, sect, faith, caste or creed ಎಂಬ ಸಿದ್ದಾಂತದೊಂದಿಗೆ ನಾವು ಹಿಂದೂ ಎಂದು ನಮ್ಮ ಪರಿವಾರದಲ್ಲಿ, ಅಥವಾ ದೇವಸ್ಥಾನದಲ್ಲಿ ಅಥವಾ ಹಬ್ಬ ಹರಿದಿನಕ್ಕಷ್ಟೇ ಸೀಮಿತವಾಗಿಟ್ಟರೆ ಉಪಯೋಗವೇನು? ಹೀಗಾಗಿ ಕರ್ನಾಟಕದಿಂದ ಬಂದಂತಹ ಹಿಂದೂ ಅನಿವಾಸಿಗಳಿಗೆ ಹಲವಾರು ಬೌದ್ಧಿಕ ವಿಷಯಗಳ ಮೇಲೆ ಕಾರ್ಯಕ್ರಮವನ್ನು ಹಮ್ಮಿಕೊಳ್ಳಲು ಇಂತಹ ವೇದಿಕೆ ಅಗತ್ಯವಿತ್ತು ಎಂಬುದು ನನ್ನ ಅಭಿಪ್ರಾಯ. ಭಾಷಾ ಕೇಂದ್ರಿತವಾದ ಕನ್ನಡ ಸಂಘಗಳ ಚಟುವಟಿಕೆಗಳಿಗೂ ಹಾಗೂ ಕಹೋ ಹಮ್ಮಿಕೊಂಡಿರುವ ಚಟುವಟಿಕೆಗಳಿಗೂ ವ್ಯತ್ಸಾಸವಿದೆ ಎಂಬುದು ನನ್ನ ಅನಿಸಿಕೆ.

ಸ್ವಾಮಿ ವಿವೇಕಾನಂದರು ೧೮೯೩ ರಲ್ಲೇ ಅಮೆರಿಕಕ್ಕೆ ಹೋಗಿ ಹಿಂದೂಯಿಸಂ ಬಗ್ಗೆ ಪ್ರಖ್ಯಾತ ಭಾಷಣ ಮಾಡಿ ವಿಶ್ವ ಜನತೆಗೆ ಹಿಂದೂ ಧರ್ಮದ ಪರಿಚಯ ಮಾಡಿ ಕೊಟ್ಟರು. ಕರುನಾಡಿನಿಂದ ಸಾವಿರಾರು ಮೈಲಿ ವಲಸೆ ಬಂದಿರುವ ನಾವು ನಮ್ಮ ಧರ್ಮವನ್ನು ಗರ್ವದಿಂದ ಪ್ರಚಾರ ಮಾಡದಿದ್ದಲ್ಲಿ, ಹಿಂದೂ ಧರ್ಮದ ವಿಶೇಷತೆ ವಿಶ್ವಕ್ಕೆ ತಿಳಿಯುವದಾದರೂ ಹೇಗೆ?
ಈ ನಿಟ್ಟಿನಲ್ಲಿ ಕಹೋ (ಕರುನಾಡಿನ ಅನಿವಾಸಿ ಹಿಂದೂಗಳ ಒಕ್ಕೂಟ) ಎಂಬ ಬ್ಯಾನರ್ ನೊಂದಿಗೆ ಸ್ವಾಮಿ ವಿವೇಕಾನಂದ ಅವರ ಚಿಕಾಗೊ ನಲ್ಲಿ ನೀಡಿದ ಪ್ರಖ್ಯಾತ ಭಾಷಣದ ೧೨೫ ನೇ ಶತಮಾನದ ಪ್ರಯುಕ್ತ ಹಮ್ಮಿಕೊಂಡಿರುವ ಕಾರ್ಯಕ್ರಮ ಒಂದು ಸಂತಸದ ಸಂಗತಿ. ಈ ಕಾರ್ಯಕ್ರಮದ ಮುಖ್ಯ ಅತಿಥಿಗಳಾಗಿ ಕರ್ನಾಟಕದಾತ್ಯಂತ ಖ್ಯಾತಿ ಪಡೆದಿರುವ ಬರಹಗಾರರೂ, ವಾಕ್ ಚಾತುರ್ಯರಾದ ಶ್ರೀ ಚಕ್ರವರ್ತಿ ಸೂಲಿಬೆಲೆ ಅವರು ಬರುತ್ತಿರುವದು ಒಂದು ವಿಶೇಷ ಸಂಗತಿ. ಚಕ್ರವರ್ತಿ ಸೂಲಿಬೆಲೆ ಅವರು ಕರ್ನಾಟಕದ ಹೊನ್ನಾವರ ತಾಲೂಕಿನಲ್ಲಿ ಹುಟ್ಟಿದವರು. ವಿಜಯವಾಣಿ ದಿನಪತ್ರಿಕೆಯಲ್ಲಿ ವಿಶ್ವ ಗುರು ಎಂಬ ಅಂಕಣದ ಮೂಲಕ ಪ್ರಖ್ಯಾತಿ ಪಡೆದಿದ್ದಲ್ಲದೇ, ಯುವ ಬ್ರಿಗೇಡ್ ಎಂಬ ಸಂಸ್ಥೆಯನ್ನೂ ನಡೆಸುತ್ತಿದ್ದಾರೆ. ಹಲವಾರು ಟಿವಿ ಮಾದ್ಯಮದಲ್ಲಿ ಇವರ ಹೆಸರು ಚಿರಪರಿಚಿತ. ತಮ್ಮ ನೇರ ಮಾತಿನಿಂದ ಜನರಲ್ಲಿ ರಾಷ್ಟ್ರ ಪ್ರೇಮದ ಬಗ್ಗೆ ಸದಾ ಸ್ಫೂರ್ತಿ ತುಂಬುತ್ತಿರುವ ಶ್ರೀ ಚಕ್ರವರ್ತಿ ಸೂಲಿಬೆಲೆ ಅವರು ಸ್ವಯಂ ಸ್ವಾಮಿ ವಿವೇಕಾನಂದರಿಂದ ಸ್ಫೂರ್ತಿ ಪಡೆದಿರುವಂತರವರು. ಇಂತಹ ವ್ಯಕ್ತಿ ಕರುನಾಡಿನ ಅನಿವಾಸಿ ಜನತೆಯನ್ನುದ್ದೇಶಿಸಿ ಮಾತನಾಡುತ್ತಿರುವದು ಒಂದು ವಿಶೇಷ ಮೈಲಿಗಲ್ಲು ಎನ್ನಬಹುದು.
ಮೊನ್ನೆ ನಮ್ ರೇಡಿಯೋ ಸಂದರ್ಶನದಲ್ಲಿ ಈ ಕಾರ್ಯಕ್ರಮದ ಬಗ್ಗೆ ನಿಮ್ಮ ಅನಿಸಿಕೆ ಏನು ಎಂದು ಕೇಳಿದಾಗ ಅವರು ಹೇಳಿದ್ದು ಹೀಗೆ.
“ಜಗತ್ತು ಭಾರತವನ್ನು ನೋಡುವಂತ ದ್ರಷ್ಟಿಕೋನವನ್ನ, ಜಗತ್ತು ಹಿಂದೂ ಧರ್ಮವನ್ನು ನೋಡುವಂತ ದೃಷ್ಟಿಕೋಣವನ್ನ, ಭಾರತ ತನ್ನ ತಾನೇ ನೋಡಿಕೊಳ್ಳುವಂತ ದೃಷ್ಟಿಕೋಣವನ್ನ, ಇವೆಲ್ಲವನ್ನೂ ತಮ್ಮ ಮೂರುವರೆ ನಿಮಷದ ಭಾಷಣದ ಮೂಲಕ ಸ್ವಾಮಿ ವಿವೇಕಾನಂದರು ಬಸಲಾಯಿಸಿಬಿಟ್ಟರು. ಇಡೀ ಜಗತ್ತಿನಲ್ಲಿ ಯಾವುದಾದರೂ ಒಂದು ಭಾಷಣದ ೧೨೫ನೇ ವರ್ಷದ ಆಚರಣೆ ನಡೆದಿದೆ ಅಂತಂದ್ರೆ ಅದು ಚಿಕಾಗೋದ ವಿವೇಕಾನಂದರ ಭಾಷಣ ಮಾತ್ರ, ಅದೇ ಈ ಭಾಷಣದ ಮಹತ್ವ ಏನಂತ ಹೇಳಿಬಿಡೊತ್ತೆ. ಈ ಹಿನ್ನಲೆಯಲ್ಲಿ ನನಗನಿಸುವದೇನಂದ್ರೆ, ಯುಕೆ ಯಲ್ಲಿ ಎಲ್ಲಾ ಕನ್ನಡದ ಮಿತ್ರರು ಸೇರಿಕೊಂಡು ಈ ಭಾಷಣದ ೧೨೫ ನೇ ವರ್ಷಾಚರಣೆಯನ್ನ ಆಚರಿಸಬೇಕಂತಿದ್ದಾರೆ, ಅದು ವಿವೇಕಾನಂದರಿಗೆ ಏನೋ ಉಪಕಾರ ಮಾಡಿದಂತಾಗಲ್ಲ ಬದಲಿಗೆ ನಮ್ಮನ್ನ ನಾವೇ ಹೆಮ್ಮೆಯಿಂದ ಜಗತ್ತಿನ ಮುಂದೆ ಪುನರ್ಪ್ರತಿಷ್ಠಾಪಿಸಿಕೊಂಡಂತೆ ಅಂತ ಇದನ್ನ ಭಾವಿಸಿ ನಾನಿದನ್ನ ಆಚರಣೆ ಮಾಡಲು ಪ್ರಯತ್ನಪಟ್ಟಂತ ಎಲ್ಲಾ ಕನ್ನಡದ ಮಿತ್ರರಿಗೂ ವಿಶೇಷ ಅಭಿನಂದನೆ ಸಲ್ಲಿಸಲಿಕ್ಕೆ ಇಷ್ಟಪಡುತ್ತೇನೆ.”

ಈ ಭಾಷಣದ ಪ್ರಾಮುಖ್ಯತೆ ಅಥವಾ ಪ್ರಭಾವ ಈಗಿನ ಪೀಳಿಗೆಯ ಮೇಲೆ ಯಾವ ರೀತಿ ಬೀಳೋತ್ತೆ ಎಂದು ಕೇಳಿದಾಗ, ಚಕ್ರವರ್ತಿ ಸೂಲಿಬೆಲೆ ಹೇಳಿದ್ದು,
“ಒಂದು ಆತ್ಮವಿಶ್ವಾಸ ಎಂಬುದು ಯಾವತ್ತಿಗೂ ಬೇಕು, ಭಾರತದಿಂದ ಯುಕೆಗೆ ಹೋಗುವಂತ ಹುಡುಗನಿಗೆ ನಾನು ಭಾರತದಿಂದ ಬಂದಿದೀನಿ ಎಂಬ ಅಭಿಮಾನ ಸ್ವಾಮಿ ವಿವೇಕಾನಂದರ ಭಾಷಣ ೧೦೦ ಪಟ್ಟು ಹೆಚ್ಚಿಸಿದೆ. ಸ್ವಾಮಿ ವಿವೇಕಾನಂದರು ನನ್ನ ಭಾರತ ಎಷ್ಟು ಅದ್ಬುತ ಎಂದು ಅಮೇರಿಕಾ ಹಾಗೂ ವಿಶ್ವದ ಮುಂದೆ ಹೇಗೆ ಪ್ರೆಸೆಂಟ್ ಮಾಡಿದ್ದರು ಅಂದ್ರೆ ಅದು ಅಂದು ಅಮೇಜಿಂಗ್ ಅಂತ ಹೇಳಬೋಹುದು. ಅವತ್ತಿನ ದಿನ ಅಷ್ಟೊಂದು ಅಭಿಮಾನ ಅಂದ್ರೆ ಇವತ್ತಿನ ದಿನ ಭಾರತ ಎಲ್ಲಾ ಕ್ಷೇತ್ರದಲ್ಲೂ ಅಗ್ರ ಸ್ಥಾನದಲ್ಲಿದೆ, ಹೀಗಿರುವಾಗ ನಮ್ಮಲ್ಲಿ ಅದಕ್ಕಿಂತ ೧೦೦ ಪಟ್ಟು ಅಭಿಮಾನ ಇರಬೇಕು ಅನ್ನಿಸೊತ್ತೆ”

ಈ ಒಂದು ಕಾರ್ಯಕ್ರಮದ ಬಗ್ಗೆ ಯಾವ ರೀತಿಯ ಸಂದೇಶವನ್ನು ಕೊಡಲಿಕ್ಕೆ ಇಷ್ಟಪಡ್ತೀರಿ ಎಂದು ಚಕ್ರವರ್ತಿ ಸೂಲಿಬೆಲೆ ಅವರ ಕೇಳಿದಾಗ ಅವರು ಹೇಳಿದ್ದು ಹೀಗೆ,
“ಸ್ವಾಮಿ ವಿವೇಕಾನಂದ ಅವರು ನಮ್ಮ ಕಾಲದ ಋಷಿ, ನೋಡಲಿಕ್ಕೆ ಸಂತರಂತೆ ಕಾಣಿಸುತ್ತಿದ್ದರು ಆದರೆ ಭಾರತವನ್ನು ಹಾಗೂ ಭಾರತದ ಧರ್ಮವನ್ನು ಕಾಪಾಡಿಕೊಳ್ಳಲು ಬಂದಂತಹ ಯೋಧನೂ ಕೂಡ, ಸ್ವಾಮಿ ವಿವೇಕಾನಂದ ಒಂದು ವಿಜ್ಞಾನಿಯನ್ನೂ ಕೂಡ ಪ್ರಚೋದಿಸುವ ಸಾಮರ್ಥ್ಯವುಳ್ಳವರು, ಸ್ವಾಮಿ ವಿವೇಕಾನಂದರು ಒಬ್ಬ ಸೋಶಿಯಲ್ ರೆಫಾರ್ಮೆರ್, ಒಬ್ಬ spiritual Gaint , ಸ್ವಾಮಿ ವಿವೇಕಾನಂದರು ಎಲ್ಲಾ ಬಗೆಯ ಶಕ್ತಿಯನ್ನ ನಮ್ಮೊಳಗೆ ಪ್ರೇರೇಪಿಸುವ ಸಾಮರ್ಥ್ಯ ಉಳ್ಳವರು ಹೀಗಾಗಿ ನಾವೆಲ್ಲರೂ ಈ ಕಾರ್ಯಕ್ರಮದಲ್ಲಿ ಸ್ವಾಮಿ ವಿವೇಕಾನಂದರ ಚಿಂತನೆಗಳನ್ನ ಹಾಗೂ ಭಾರತದ ಚಿಂತನೆಗಳನ್ನ ಮನಸ್ಸಿಟ್ಟು ಕೇಳುವಂತಹ, ಆಲೋಚನೆ ಮಾಡುವಂತಹ ಅವಕಾಶವನ್ನ ಪಡಕೋತೀವಿ, ದಯಮಾಡಿ ಬನ್ನಿ, ನನಗೂ ಕೂಡ ಈ ಕಾರ್ಯಕ್ರಮದ ಮೂಲಕ ಯುಕೆ ಕನ್ನಡಿಗರನ್ನ ಮಾತಾಡಿಸುವ ಒಂದು ಸೂಕ್ತವಾದ ಸಂದರ್ಭ. ನಾವೆಲ್ಲರೂ ಸೇರೋಣ, ಸ್ವಾಮಿ ವಿವೇಕಾನಂದರ ಭಾಷಣದ ೧೨೫ ನೇ ವರ್ಷದ ಸಂದರ್ಭದಲ್ಲಿ ಅವರ ಚಿಂತನೆಗಳನ್ನು cherish ಮಾಡೋಣ”

ಸರಳ ಜೀವಿ ಹಾಗೂ ಅತ್ಯುತ್ತಮ ಭಾಷಣಗಾರ ಶ್ರೀ ಚಕ್ರವರ್ತಿ ಸೂಲಿಬೆಲೆ ಮುಖ್ಯ ಅತಿಥಿಗಳಾಗಿ ಬರುತ್ತಿರುವದು ಹೆಮ್ಮೆಯ ಸಂಗತಿ. ಕರುನಾಡಿನ ಅನಿವಾಸಿ ಜನತೆ ಈ ಕಾರ್ಯಕ್ರಮಕ್ಕೆ ಹೆಚ್ಚಿನ ಸಂಖ್ಯೆಯಲ್ಲಿ ಲಂಡನ್, ಮ್ಯಾಂಚೆಸ್ಟರ್, Edinburgh ಹಾಗೂ Newcastle ಗೆ  ಬಂದು ಭಾಗವಹಿಸಿ ಎಂದು ಕೋರಿ, ಕಾರ್ಯಕ್ರಮ ಯಶಸ್ವಿಯಾಗಲಿ ಎಂದು ಆಶಿಸುತ್ತೇನೆ. ಹೆಚ್ಚಿನ ಮಾಹಿತಿ ಹಾಗೂ ಟಿಕೆಟ್ ಕೊಳ್ಳಲು ಈ ಕೆಳಗಿನ ಅಂತರ್ಜಲ ಪುಟವನ್ನು ಭೇಟಿ ಕೊಡಿ.
http://kahouk.org

Article by Gana Bhat, United Kingdom

http://www.ganabhat.com